लोणी काळभोर : फुरसुंगी (ता. हवेली) ग्रामपंचायत हद्दीतील ढेरे पेट्रोल पंपासमोर स्वर्ग लॉजवर खुलेआम सुरू असलेल्या वेश्याव्यवसाय पर्दापाश करण्यास सामाजिक सुरक्षा विभागाला यश आले केला आहे. पोलिसांनी लॉजवर छापा टाकून ५ मुलींची सुटका केली आहे. तर लॉज चालकाला अटक केली आहे.
मारुती महादेव जाधव (रा. पापडे वस्ती, फुरसुंगी, हडपसर) असे अटक करण्यात आलेल्या आरोपीचे नाव आहे.
पोलिसांनी दिलेल्या माहितीनुसार, फुरसुंगी येथील स्वर्ग लॉजवर वेश्याव्यवसाय सुरू असल्याची माहिती सामाजिक सुरक्षा विभागाला एका खबऱ्यामार्फत मिळाली होती.
मिळालेल्या माहितीनुसार सामाजिक सुरक्षा विभागाच्या पोलिसांनी लॉजवर छापा टाकला. तेव्हा पोलिसांना ५ महिला लॉजवर वेश्याव्यवसाय करताना आढळून आल्या. पोलिसांनी महिलांना ताब्यात घेऊन त्यांची रवानगी निरीक्षण ग्राहक करण्यात आली आहे.
दरम्यान, लॉज चालक मारुती जाधव याला अटक करण्यात आली आहे. त्याच्यावर महिलांना वेश्याव्यवसायास प्रवृत्त केल्याप्रकरणी हडपसर पोलीस ठाण्यात गुन्हा दाखल करण्यात आला आहे. पुढील तपास पोलीस करीत आहेत.
ही कामगिरी पोलीस उपायुक्त अमोल झेंडे यांच्या मार्गदर्शनाखाली पोलीस निरीक्षक भरत जाधव, सहायक पोलीस निरीक्षक अश्विनी पाटील, राजेंद्र कुमावत, मनीषा पुकाळे आणि तुषार भिवरकर यांच्या पथकाने केली आहे.
