चिंचवड : चिंचवड मधील दळवीनगर चेक पोस्टवर ४३ लाख रूपयांची रक्कम निवडणूक विभागाच्या तपासणी पथकाने पकडली आहे. ही कारवाई शुक्रवारी (ता. १०) रोजी करण्यात आली.
चिंचवड विधानसभा पोट निवडणूकीच्या पार्श्वभूमीवर चिंचवड परिसरात कडक बंदोबस्त ठेवण्यात आला आहे. या वेळी चारचाकी वाहनांची तपासणी करताना ही कारवाई करण्यात आली.
मिळालेल्या माहिती नुसार, चिंचवडमध्ये शुक्रवारी (ता. १०) सकाळी साडेदहा च्या सुमारास निवडणूक विभागाच्या तपासणी दरम्यान चेक पोस्टवर एका चारचाकी वाहनातून ४३ लाख रुपयांची रोकड घेऊन जात असताना दिसले. एवढी मोठी रक्कम कुणाची व कुठे जात होती याची तपासणी निवडणूक आयोगाचे तपास पथक करत आहे.
संबंधित वाहचालक व्यावसायिक असून माझ्या मेडिकल व्यावसायाची ही रक्कम बँकेत भरण्यासाठी जात असल्याचे चालकाने सांगितले. मात्र याची चौकशी करून पुढील कारवाई केली जाईल असे अधिकाऱ्यांनी सांगितले आहे.
