पुणे : ‘मला तुझी खुप आठवण येते, मी तुझ्या शिवाय राहू शकत नाही’, असे म्हणत महिलेसोबत गैरवर्तन करून तिचा विनयभंग केल्याची घटना शनिवारी (ता.४) सकाळी साडेनऊच्या सुमारास हवेली तालुक्यातील आव्हाळवाडी येथे घडली आहे. याप्रकरणी लोणीकंद पोलिसांनी एकाला अटक केली आहे.
पंकज उर्फ गोट्या येटाळे (वय.२८ रा. वाशी, ता. करविर, जि. कोल्हापूर) असे अटक करण्यात आलेल्या आरोपीचे नाव आहे. याप्रकणी ३५ वर्षीय महिलेने लोणीकंद पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपी आणि फिर्यादी हे एकमेकांच्या ओळखीचे आहेत. ‘मला तुझी खुप आठवण येते, मी तुझ्या शिवाय राहू शकत नाही’ असे म्हणत आरोपीने फिर्यादी यांच्यासोबत गैरवर्तन केले. तसेच तू जर मला भेटली नाही तर तुला आणि घरच्यांना जिवंत ठेवणार नाही. अशी धमकी दिली. त्यानंतर महिलेने लोणीकंद पोलीस ठाण्यात फिर्याद दिली. त्यानुसार आरोपी पंकज याच्यावर गुन्हा दाखल करून अटक करण्यात आली आहे. या घटनेचा पुढील तपास पोलीस करीत आहेत.
