संतोष पारधी
खेड :- वाकी बुद्रुक (ता. खेड) येथील जिल्हा परिषद प्राथमिक शाळा गावठाण येथे राजमाता जिजाऊ जयंती व स्वामी विवेकानंद जयंती मोठ्या उत्साहात गुरुवारी (ता.१२) साजरी करण्यात आली. त्यानिमित्त सांस्कृतिक कार्यक्रमांचे आयोजन करण्यात आले होते.
यावेळी विद्यार्थ्यांनी विविध प्रकारच्या ऐतिहासिक वेशभूषा सादर केल्या. आऊसाहेब जिजाऊ आणि स्वामी विवेकानंद यांच्या प्रतिमेचे पूजन करून अभिवादन करण्यात आले.
मुख्याध्यापक भरत गोपीनाथ ताजवे यांनी राजमाता जिजाऊ आणि स्वामी विवेकानंद यांचा जीवनपट कथन केला. सांगडे सर यांनी उत्तम नियोजन केले. यावेळी जीवन टोपे, विद्यार्थी व पालकवर्ग मोठ्या संख्येने उपस्थित होता. तर या कार्यक्रमाचे सांडभोर मॅडम यांनी आभार मानले.
