लोणी काळभोर, (पुणे) : राजमाता जिजाऊंनी ज्याप्रमाणे छत्रपती शिवाजी महाराज व नातू शंभूराजे यांना घडविले. एक स्त्री हिंमतवान, बुध्दिमान, कर्तृत्ववान, पराक्रमी, दूरदृष्टीची असते हे जिजाऊंनी दाखवून दिले. तसेच ‘उठा,जागे व्हा आणि ध्येय गाठल्याशिवाय थांबु नका’ असा संदेश देणारे स्वामी विवेकानंद. आजही ही महान व्यक्तीमत्व आपणास आदर्शवत आहेत. असे प्रतिपादन प्रिंट व डिजीटल मीडिया पत्रकार संघाचे महाराष्ट्र राज्य अध्यक्ष सुनिल जगताप यांनी व्यक्त केले.
राजमाता जिजाऊ व स्वामी विवेकानंद यांच्या जयंती निमित्त कोरेगाव मुळ (ता. हवेली) ग्रामपंचायतीच्या वतीने प्रिंट व डिजीटल मिडिया मिडिया पत्रकार संघाच्या सर्व नवनिर्वाचित पदाधिका-यांना गुरुवारी (ता.१२) सत्कार करण्यात आला. यावेळी बोलताना वरील प्रतिपादन सुनिल जगताप यांनी केले. यावेळी सरपंच विठ्ठल शितोळे, ग्रामपंचायत सदस्य दत्तात्रय काकडे, अश्विनी कड, माजी उपसरपंच मनिषा कड, लोकेश कानकाटे, राष्ट्रवादीच्या हवेली तालुका महिला सरचिटणीस सुप्रिया घावटे, पोलीस पाटील वर्षा कड, चिंतामण कड, सचिन कड, ग्रामसेवक आर एस जगताप आदी मान्यवर उपस्थित होते.
पुढे बोलताना जगताप म्हणाले, पत्रकारिता हा पत्रकाराचा धर्म असतो. समाजातील वाईट गोष्टींवर ताशेरे ओढणे, जे सत्य आहे ते सत्य आहे वाईट गोष्टी लेखणीतून समाजासमोर मांडणे. यातुन जाणीवपूर्वक कोणाला दुखवायचे नसते. असेही जगताप यांनी यावेळी सांगितले. तर कोरेगाव मुळ ग्रामपंचायतच्या विकासासाठी सदैव प्रिंट व डिजीटल मिडिया पत्रकार संघ सोबत राहिल. अशी ग्वाही यावेळी प्रिंट व डिजिटल मीडिया पत्रकार संघाचे पुणे जिल्हाध्यक्ष राजेंद्र उर्फ बाप्पूसाहेब काळभोर यांनी दिली.
दरम्यान, या कार्यक्रमाच्या सुरुवातीला राजमाता जिजाऊ व स्वामी विवेकानंद यांच्या प्रतिमेचे पुजन,पुष्पहार अर्पण व दीपप्रज्वलन करुन अभिवादन करण्यात आले. त्यानंतर प्रिंट व डिजिटल मिडिया संघाचे अध्यक्ष सुनिल जगताप, पुणे जिल्हाध्यक्ष राजेंद्र काळभोर, हवेली तालुका अध्यक्ष संदिप बोडके, कार्याध्यक्ष सचिन सुंबे, उपाध्यक्ष चंद्रकांत दुंडे, अमोल अडागळे, जिल्हा खजिनदार विजय काळभोर, तालुका खजिनदार श्रीनिवास पाटील, अमोल भोसले, जिल्हा समन्वयक तुकाराम गोडसे यांना वृक्षरोप, पुष्पगुच्छ, शाल, श्रीफळ देऊन सन्मानित केले. या कार्यक्रमाते सुत्रसंचालन अमोल भोसले यांनी केले तर आभार ग्रामसेवक आर एस जगताप यांनी मानले.
त्यानंतर कुंजीरवाडी (ता. हवेली) येथे श्रीदत्त ग्रामीण बिगर शेती सहकारी पतसंस्था मर्यादित तिसऱ्या वर्धापन दिनानिमित्त भव्य रक्तदान शिबिराचे आयोजन करण्यात आले होते. यावेळी प्रिंट व डिजिटल मीडिया पत्रकार संघाच्या नवनिर्वाचित पदाधिकाऱ्यांची पतसंस्थेवतीने सत्कार करण्यात आला. यावेळी पतसंस्थेचे अध्यक्ष पेठगावचे माजी सरपंच सुरज चौधरी, व्हाईस चेअरमन तुळशीराम चौधरी,तरडे गावचे माजी सरपंच मारुती बरकडे, पोलीस पाटील दत्तात्रय चौधरी , विजय टिळेकर, मोहन कुंजीर,चंद्रकांत टिळेकर, आदर्श सरपंच महादेव चौधरी ,सोमनाथ चौधरी ,विठ्ठल मारणे, सुनील गायकवाड आदी मान्यवर उपस्थित होते.
तुकाराम गोडसे यांची पुणे जिल्हा समन्वयकपदी निवड…
कदमवाकवस्ती (ता. हवेली) येथे प्रिंट डिजीटल मिडिया पत्रकार संघाची बैठक पार पडली. या बैठकीत प्रिंट डिजीटल मिडिया पत्रकार संघाचे राज्याचे कार्याध्यक्ष जनार्दन दांडगे यांनी संघाच्या जिल्हा समन्वयक पदी पत्रकार तुकाराम गोडसे यांची निवडीची घोषणा केली. त्यानंतर प्रिंट व डिजीटल मीडिया पत्रकार संघाचे महाराष्ट्र राज्य अध्यक्ष सुनिल जगताप व बापूसाहेब काळभोर यांच्या हस्ते तुकाराम गोडसे यांना निवडीचे पत्रही देण्यात आले आहे.
