यवत : यवत (ता. दौंड) येथील सुप्रसिद्ध व्यावसायिक मिलिंद उर्फ पप्पुशेठ गांधी ( वय ४५) यांचे आज बुधवारी (ता.४) सायंकाळी अल्पशा आजाराने निधन झाले आहे. यवत येथील किराणा व्यापारी कुमारशेठ गांधी यांचे सुपुत्र मिलिंद गांधी हे बाजारपेठेत इलेक्ट्रिक वस्तुंचा खरेदी व दुरुस्तीचा व्यवसाय करत होते. मिलिंद यांच्यावर काही दिवसांपासुन अल्पशा आजाराने पुणे येथे रुग्णालयात उपचार सुरू होते. उपचार सुरू असताना मिलिंद यांची आज सायंकाळी अचानक प्राणज्योत मालवली.
मिलिंद हे दुकानात येणाऱ्या प्रत्येकाशी प्रेमाने बोलणारे, सामाजिक, धार्मिक कार्यात सतत पुढाकार घेणारे, गोरगरीबांना मदत करणारे, सतत हसतमुख असलेले पप्पु गांधी यांच्या अचानक जाण्याने परिसरात हळहळ व्यक्त होत आहे.
दरम्यान, मिलिंद यांच्या पश्चात वडील, पत्नी, दोन मुली, भाऊ, भावजय, पुतणे व पुतण्या असा परिवार आहे. त्यांच्या पार्थिवावर अंत्यसंस्कार यवत येथील वैकुंठ स्मशानभुमीत उद्या गुरुवारी (ता.०५ जानेवारी) सकाळी ०८ वाजता होणार आहे.
