पुणे : बँकॉकहून कोलकत्ताकडे येणाऱ्या थाय स्माइल एअरवेजच्या विमानामध्ये दोन प्रवाशांमध्ये तुंबळ हाणामारी झाल्याची धक्कादायक घटना मंगळवारी (ता.२७) घडली आहे. या हाणामारीचा व्हिडीओ सध्या सोशल मीडियावर तुफान व्हायरल झाला आहे.
https://twitter.com/YadavMu91727055/status/1608085333354102786?s=20&t=RvoDJC4p4sV0VI9BiyLi4w
मिळालेल्या माहितीनुसार, विमानातील दोन प्रवाशांमध्ये वाद सुरु झाल्यानंतर जोरदार बाचाबाची सुरु होते. फ्लाईट अटेंडेंट हे भांडण मिटवण्याचा प्रयत्न करतात. मात्र दोन्ही प्रवासी एकमेकांवर ओरडतात. यावेळी एक प्रवासी दुसऱ्या प्रवाशाचा हात धरून कानशिलात मारतो.
त्यानंतर दोघांमध्ये भांडण सुरु होते. यावेळी इतर काहीजण या भांडणात सामील होतात. त्यानंतर पाच ते सहा जण एका प्रवाशाला मारहाण करतात. विमानात उपस्थित इतर काही प्रवाशांनी या घटनेचा व्हिडीओ चित्रित केला आहे. हा व्हिडीओ सध्या सोशल मीडियावर प्रचंड व्हायरल होत आहे.
