अजित जगताप
वडूज : खटाव तालुक्यामध्ये ग्रामपंचायत सार्वत्रिक निवडणूक कार्यक्रमानुसार सप्टेंबर ते डिसेंबर२०२२ या कालावधीत मुदत संपणाऱ्या ग्रामपंचायतीची निवडणूक अत्यंत शांतपणे पार पाडली. त्याबद्दल खटाव तालुक्यातील ग्रामपंचायतीचे निवडणूक शाखेचे लिपिक अंकुश जाधव यांचा सत्कार करण्यात आला.
खटाव तालुक्यातील बारा ग्रामपंचायतीच्या पन्नास मतदान केंद्रावर मतदान प्रक्रिया पार पडली. यामध्ये मायणी, म्हासुरणे, मरडवाक, खातवळ, गोरेगाव (निमसोड) राजाचे कुर्ले, गिरजाशंकरवाडी, लांडेवाडी, ललगूण, नागनाथवाडी, मुसांडवाडी, होळीचा गाव या ग्रामपंचायतीचा निवडणूक अत्यंत शांततापणे पार पडली.
निवडणूक निर्णय अधिकारी तथा तहसीलदार किरण जमदाडे, नायब तहसीलदार सचिन कर्णे यांच्या मार्गदर्शनाखाली लिपिक अंकुश जाधव यांच्याकडे अभिलेख कक्ष, सेतू व ग्रामपंचायत निवडणूक शाखा अशा तीन विभागाचा कार्यभार आहे.
अंकुश जाधव चांगल्या पद्धतीने कामकाज करून ही निवडणूक शांततेत पार पाडल्याबद्दल पत्रकार नितीन राऊत, मुन्ना मुल्ला व अजित जगताप यांच्या उपस्थितीमध्ये श्री जाधव यांना पुष्पगुच्छ देऊन त्यांचा सत्कार करण्यात आला.
