पुणे : सिंहगड रोड परिसरात चोर समजून तरुणाला बेदम मारहाण करुन खून केला करून तब्बल तीन महिन्यांपासून गुंगारा देणाऱ्या आरोपीला गुन्हे शाखेच्या युनिट क्र ३ च्या पोलिसांनी अटक केली आहे.
राजू उत्तम गायकवाड (वय ४५, रा. राजेंद्रनगर) असे अटक करण्यात आलेल्या आरोपीचे नाव आहे. याअगोदर पोलिसांनी आरोपी सुदर्शन भेगडे, प्रकाश कंक, सूरज जोगरे, सतीश केमनाळ, विशाल शिंदे, दीपक एवळे, राहुल सरोदे यांना अटक केली होती.
पोलिसांनी दिलेल्या माहितीनुसार, सिंहगड रस्ता भागात गांपातसिंग गोकुलसिंग मेरावी याला चोर समजून बेदम मारहाण करण्यात आली. मारहणीत त्याचा मृत्यू झाला होता. या प्रकरणी सिंहगड पोलीस ठाण्यात गुन्हा दाखल झाला होता.
दरम्यान, आरोपी राजू गायकवाड हा खून झाल्यापासून पसार झाला होता. तो गेल्या तीन महिन्यांपासून पोलिसांना गुंगारा देत होता. पोलीस आरोपीच्या मागावर होते. आरोपी हा हिंगणे भागात थांबला असल्याची माहिती गुन्हे शाखेच्या युनिट तीनमधील पोलीस शिपाई राकेश टेकावडे यांना मिळाली होती. मिळालेल्या माहितीच्या अनुषंगाने पोलिसांनी सदर ठिकाणी सापळा रचून आरोपीला अटक केली आहे.
हि उल्लेखनीय कामगिरी सहायक पोलीस आयुक्त गजानन टोम्पे यांच्या मार्गदर्शनाखाली वरिष्ठ पोलीस निरीक्षक सुनील जाधव, उपनिरीक्षक अजितकुमार पाटील, शरद वाकसे, सुजीत पवार, ज्ञानेश्वर चित्ते, साईनाथ पाटील, राकेश टेकावडे आदींनी ही कारवाई केली.
