दीपक खिलारे
इंदापूर : चाकाटी (ता. इंदापूर) येथील शाळेच्या आवारातच तीन शिक्षकांची फ्री स्टाईलने हाणामारी झाल्याची धक्कादायक घटना शुक्रवारी (ता.१६) शाळा सुटण्याच्या सुमारास झाली आहे. सदर भांडणाचा व्हिडीओ विद्यार्थ्यांनी रेकॉर्ड केला आहे. या घटनेमुळे इंदापूर तालुक्यात एकच खळबळ उडाली असून पालकांमध्ये संतापाची लाट उसळली आहे. या शिक्षकांची बदली होत नाही, तोपर्यंत शाळा बंद ठेवू असा पवित्रा पालकांनी घेतला आहे.
शाळेतील शिक्षक सुभाष भिटे, शाळेतील शिक्षिका संजीवनी गरगडे व लाखेवाडी शाळेत असणारे त्यांचे पती उद्धव कुंडलिक गरगडे या तिघांमध्ये ही भांडणे झाली आहे. तर पालकांनी संदर्भात शाळेमधील शिक्षकांची तातडीने बदली करावी अशी मागणी करणारे निवेदन तयार केले आहे.
