लोणी काळभोर : लोणी काळभोर पोलीस ठाण्याच्या वरिष्ठ पोलीस निरीक्षकपदी राजेंद्र भाऊराव पन्हाळे यांची नियुक्ती करण्यात आली आहे. तर पोलीस निरीक्षक राजेंद्र करणकोट यांची वाहतूक शाखेमध्ये बदली करण्यात आली आहे. पुण्याचे पोलीस आयुक्त अमितेश कुमार यांनी याबाबतचे आदेश बुधवारी (ता.15) रात्री जारी केले आहेत.
राजेंद्र पन्हाळे यांनी विमाननगर पोलीस ठाण्याच्या गुन्हे शाखेचे प्रमुख म्हणून आपले चोख कर्तव्य बजावून आपल्या कामगिरीचा ठसा उमटवला आहे. राजेंद्र पन्हाळे हे कडक शिस्तीचे अधिकारी म्हणून ओळखले जातात. आपल्या ‘सिंघम’ स्टाईल कामांमुळे ते लोकांमध्ये लोकप्रिय आहेत. त्यामुळे लोणी काळभोर पोलीस ठाण्याच्या हद्दीतील वाढत्या गुन्हेगारीलाही आता चाप बसणार का? अशी चर्चा नागरिकांमध्ये सुरु झाली आहे.
दरम्यान. पुणे शहर पोलीस आयुक्त अमितेश कुमार यांनी प्रशासकीय कारणास्तव 23 पोलीस निरीक्षकांच्या तात्पुरत्या स्वरुपात बदल्या केल्या आहेत. तसेच त्यांनी नियुक्तीच्या ठिकाणी हजर होऊन त्वरित पदभार स्वीकारावा, असे आदेशात म्हटले आहे.
बदली झालेल्या वरिष्ठ पोलीस निरीक्षकांची नावे (कंसात नियुक्ती झालेली ठिकाणे)
- सावळाराम पुरषोत्तम साळगावकर (वपोनि भारती विद्यापीठ पोलीस ठाणे)
- राहुल विरसिंग गौड (वपोनि सहकारनगर पोलीस ठाणे)
- संजय नागोराव मोगले (वपोनि हडपसर पोलीस ठाणे)
- सुनिल गजानन थोपटे(वपोनि कोरेगाव पार्क पोलीस ठाणे)
- दिलीप मगन फुलपगारे (वपोनि खडकी पोलीस ठाणे)
- सीमा सुधीरकुमार ढाकणे (वपोनि चंदन नगर पोलीस ठाणे)
- मनिषा हेमंत पाटील (वपोनि मार्केट यार्ड पोलीस ठाणे)
- राजेंद्र भाऊराव पन्हाळे (वपोनि लोणी काळभोर पोलीस ठाणे)
- सत्यजित बाळकृष्ण आदमाने (वपोनि वानवडी पोलीस ठाणे)
- नरेंद्र शामराव मोरे (वाहतूक शाखा)
- सुरेश तुकाराम शिंदे (वाहतूक शाखा)
- रुणाल सुजाउद्दीन मुल्ला (वाहतूक शाखा)
- संगीता सुनिल जाधव (वाहतूक शाखा)
- राजेंद्र हनमंतु करणकोट (वाहतूक शाखा)
- स्वप्नाली चंद्रकांत शिंदे (वपोनि सायबर पोलीस ठाणे)
- दशरथ शिवाजी पाटील (विशेष शाखा)
- सतिश हणमंत जगदाळे (विशेष शाखा)
- गुरदत्त गोरखनाथ मोरे (विशेष शाखा)
- माया दौलतराव देवरे (गुन्हे शाखा)
- संतोष लक्ष्मण पांढरे (गुन्हे शाखा)
- संजय जीवन पतंगे (गुन्हे शाखा)
- छगन शंकर कापसे (गुन्हे शाखा)
- संतोष उत्तमराव पाटील (मनपा अतिक्रमण विभाग)
