पुणे : तुम्ही चांगल्या पगाराची नोकरी शोधत असाल तर ही तुमच्यासाठी आनंदाची बातमी असणार आहे. कारण, महाराष्ट्र राज्य वीज वितरण कंपनीत रिक्त पदावर भरती केली जाणार आहे. त्यानुसार, इच्छुक असलेल्या उमेदवारांना ऑफलाईन माध्यमातून अर्ज करता येणार आहे. पात्र असणाऱ्या उमेदवारांकडून अर्ज मागविण्यात येत आहे.
महाराष्ट्र राज्य वीज वितरण कंपनी लिमिटेड, मुंबई येथे कार्यकारी संचालक (माहिती आणि तंत्रज्ञान) या पदासाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला मुंबई येथे जाऊन नोकरी करावी लागणार आहे. या प्रक्रियेंतर्गत एक रिक्त पद भरले जाणार आहे. संबंधित उमेदवाराची निवड ही मुलाखतीच्या माध्यमातून केली जाणार आहे.
या भरती प्रक्रियेंतर्गत ऑफलाईन पद्धतीने अर्ज करता येणार आहे. यामध्ये निवड झालेल्या उमेदवाराला 1,49,820 ते 2,88,315 रुपयांपर्यंत पगारही मिळणार आहे. या भरती प्रक्रियेबाबत अधिक माहितीसाठी https://www.mahadiscom.in/ या अधिकृत वेबसाईटवरून माहिती घेता येणार आहे.
अशी असेल भरती प्रक्रिया…
– पदाचे नाव : कार्यकारी संचालक (माहिती आणि तंत्रज्ञान).
– एकूण रिक्त पदे : 01 पदे.
– नोकरीचे ठिकाण : मुंबई.
– शैक्षणिक पात्रता : बी.ई. / बी. टेक. किंवा संगणक विज्ञान / माहिती तंत्रज्ञान / संगणक अभियांत्रिकीमध्ये पदव्युत्तर पदवी.
– वेतन / मानधन : दरमहा रु. 1,49,820/- ते रु. 2,88,315/- पर्यंत.
– वयोमर्यादा : 52 वर्षांपर्यंत.
– अर्ज करण्याची पद्धत : ऑफलाईन.
– अर्ज करण्याची शेवटची तारीख : 27 जानेवारी 2025.
– अर्ज पाठवण्याचा पत्ता : मुख्य महाव्यवस्थापक (HR), महाराष्ट्र राज्य विद्युत वितरण कंपनी लिमिटेड, चौथा मजला, प्रकाशगड, वांद्रे (पूर्व), मुंबई – 51.
