पती-पत्नीचे नाते हे प्रेमाचे असते. पण, काही गोष्टींमुळे या नात्यात कटुता येऊ शकते. त्यामुळे कोणत्याही परिस्थितीत नातं टिकवणं हे महत्त्वाचं असतं. मात्र, अनेकदा घरातीलच लोक तुमच्या पत्नीबद्दल काही नकारात्मक गोष्टी बोलून जातात. तेव्हा तुमची भूमिका महत्त्वाची असते. सर्व परिस्थिती लक्षात घेऊनच यावर निर्णय द्या अथवा मत व्यक्त करा.
तुमच्या कुटुंबातील सदस्यांशी बोलताना हे स्पष्ट करा की तुमचे आणि तुमच्या पत्नीचे नाते तुमच्या आयुष्यातील एक महत्त्वाचा भाग आहे. त्यामुळे या नात्यात काही सल्ला देऊ नये, हे सांगण्याचा प्रयत्न करा. अनेकदा काही जुन्या गैरसमजामुळे किंवा जनरेशन गॅपमुळे कुटुंबीयांकडून विरोध होतो. तेव्हा तुम्ही मुळाशी जाऊन प्रश्न सोडवण्याचा प्रयत्न करा. शक्य असल्यास कुटुंबातील इतर सदस्य आणि पत्नी यांना एकत्र बसवून बोलायला लावा.
तुमच्या कुटुंबातील सदस्य काय म्हणतात ते ऐका, पण कोणताही पूर्वग्रह न ठेवता. त्यांच्या चिंता आणि मत समजून घेणे महत्त्वाचे आहे. काहीवेळा या गोष्टी तुमच्या भल्यासाठी असतात, पण त्यांचा दृष्टिकोन एकतर्फी नसल्याचीही काळजी घ्या. अशा वेळी तुमच्या पत्नीलाही तुम्ही तिच्यासोबत असल्याचे वाटले पाहिजे. त्याच्याशी शांतपणे आणि हुशारीने बोला. त्याच्या भावना समजून घ्या आणि तुम्ही दोघे मिळून समस्या सोडवाल हे स्पष्ट करा.
