सध्या हिवाळा अर्थात थंडीचे दिवस सुरु झाले आहेत. त्यामुळे त्वचा, विशेषतः ओठांची त्वचा कोरडी पडू लागते, तडे जातात. हा त्रास टाळण्यासाठी अनेक घरगुती आणि आयुर्वेदिक उपाय उपलब्ध आहेत. या उपायांचा अवलंब करून कोणीही या समस्येपासून मुक्त होऊ शकतो आणि आपले ओठ कोमल ठेवू शकतो.
तूप आणि लोणी दोन्ही त्वचेसाठी खूप पोषक असतात. हिवाळ्यात रात्री झोपण्यापूर्वी थोडे तूप किंवा लोणी ओठांवर लावा. हे नैसर्गिक मॉइश्चरायझर म्हणून काम करते आणि ओठांना आर्द्रता प्रदान करते. तसेच नारळाच्या तेलात अँटिऑक्सिडंट्स आणि दाहक-विरोधी गुणधर्म असतात, जे कोरडे आणि फुटलेले ओठ बरे करण्यास मदत करतात. हिवाळ्यात दिवसातून अनेक वेळा खोबरेल तेल वापरा. मध एक नैसर्गिक हायड्रेटिंग एजंट आहे आणि त्यात अँटीबॅक्टेरियल गुणधर्म देखील असतात. मध थेट ओठांवर लावा आणि काही वेळाने धुवा. हे ओठ मऊ आणि निरोगी ठेवते.
ओठांची सूज आणि जळजळ कमी करण्यासाठी ऍलोवेरा जेलचा वापर केला जाऊ शकतो. त्यात थंड करण्याचे गुणधर्म असतात जे ओठांना आराम देतात आणि त्यांना फाटण्यापासून दूर ठेऊ शकतात. दिवसभरात पुरेसे पाणी प्यायल्याने संपूर्ण शरीरातील आर्द्रता कायम राहते आणि ओठ फाटण्याची समस्या कमी होते.
