आणे : जुन्नर तालुक्यातील निमगाव सावा येथे अचानकपणे काही कृषी सेवा केंद्रांना उपविभागीय कृषी अधिकारी संजय शिरसाठ यांनी भेटी देऊन तपासणी केली. शिरसाठ यांनी निमगाव सावा येथे जय गुरुदेव कृषी सेवा केंद्र, श्री श्री कृषी सेवा केंद्र व सर्वज्ञ कृषी सेवा केंद्राची तपासणी केली असता काही कृषी सेवा केंद्रामध्ये काही त्रुटी आढळून आल्या.
त्यामध्ये स्टॉक बुक अपडेट न ठेवणे औषधे व खताचे स्रोत प्रमाणपत्र न ठेवणे, औषधे व खताचे भाव फलक अपडेट न करणे याचा समावेश आहे. याबाबत त्यांना कारणे दाखवा नोटीस देण्यात आली आहे. निमगाव सावा येथील जय गुरुदेव कृषी सेवा केंद्र येथे काही कालबाह्य औषधे व प्लांट ग्रोथ रेग्युलेटर आढळून आले आहेत. त्याबाबत त्यांना कारणे दाखा नोटीस देऊन आठ दिवसांची मुदत देण्यात आलेली आहे, अशी माहिती उपविभागीय कृषी अधिकारी संजय शिरसाठ यांनी दिली.
