लोणी काळभोर : कुंजीरवाडी (ता. हवेली) ग्रामपंचायतीच्या उपसरपंचपदी अजय निवृत्ती कुंजीर यांची नुकतीच बिनविरोध निवड करण्यात आली.
मावळते उपसरपंच चंद्रकांत मेमाणे यांनी आपल्या पदाचा राजीनामा दिल्याने सरपंच अंजु गायकवाड यांच्या अध्यक्षतेखाली उपसरपंचपदाची निवडणूक आज सोमवारी (ता.५) घेण्यात आली. या निवडणुकीत अजय कुंजीर यांचा एकमेव अर्ज आल्याने निवडणूक निर्णय अधिकारी अंजु गायकवाड यांनी अजय कुंजीर यांची निवड बिनविरोध झाल्याची घोषणा केली. यावेळी ग्रामविकास आधिकारी बाळासाहेब कांबळे यांनी निवडणुकीचे कामकाज पाहिले.
माजी सरपंच सचिन तुपे, संतोष कुंजीर, श्रीनाथ पतसंस्थेचे अध्यक्ष संदीप धुमाळ, माजी सरपंच सुनिता धुमाळ, शिवसेना शिरूर हवेली संघटक स्वप्नील कुंजीर, तंटा मुक्ती अध्यक्ष रामदास कुंजीर, माजी उपसरपंच नाना कुंजीर, ग्रामपंचायत सदस्य सुमन कुंजीर, आशा कुंजीर, अर्चना धुमाळ, सुरेखा गाढवे, अलका कुंजीर, लता कुदळे, सारिका भोंगळे, साधना कुंजीर कैलास तुपे, दिपक ताम्हाणे, सागर निगडे, संग्राम कोतवाल, हरीश गोठे, दत्ताञय कुंजीर, संतोष कुंजीर, दत्तात्रय कुंजीर, गणेश कुंजीर, गोरख घुले आणि कुंजीरवाडी ग्रामस्थ मोठ्या संख्येने उपस्थित होते.
गावच्या सर्वागिण विकास कामासाठी सदैव प्रयत्न करणार आहे. तसेच गावात विकासकामे करित असताना नागरिकांनी सहकार्य करावे. असे आवाहन नवनिर्वाचित उपसरपंच अजय कुंजीर यांनी व्यक्त केले.
