पुणे : ‘घरोघरी मातीच्या चुली’ फेम अभिनेत्री रेश्मा शिंदे लवकरच लग्नबंधनात अडकणार आहे. तिच्या लग्नाआधीच्या कार्यक्रमांना सुरुवात झाली आहे. रेश्माच्या केळवणाचे फोटो व्हायरल झाल्यानंतर आता तिनं तिच्या मेंदी सोहळ्याचेही फोटो शेअर केले आहेत.
अखेर अभिनेत्रीने मेहंदी सोहळा पार पडल्याचे फोटो शेअर करत आता येत्या काही दिवसांत लग्नबंधनात अडकणार असल्याचे संकेत दिले आहेत. रेश्माने मेहंदी सोहळ्याचे फोटो शेअर केले असले तरी अद्याप तिनं होणाऱ्या नवऱ्याबद्दल मात्र काही शेअर केलं नाही, त्याचा फोटो, त्याचं नाव अद्याप तिनं सांगितलं नाहीये. त्यामुळं तिच्या लाइफ पार्टनरबद्दल जाणून घेण्यासाठी चाहते उत्सुक आहेत. मेहंदी सोहळ्याचे खास फोटो शेअर केल्यानंतर नेटकऱ्यांनी लाइक्स आणि कमेंट्सचा वर्षाव केलाय.
View this post on Instagram
रेश्माने मेहंदी सोहळ्याला पारंपरिक लूक केला आहे. तिने मेहंदी कलरचा ड्रेस परिधान केला आहे आणि केस मोकळे सोडले आहे. तसेच पारंपरिक ज्वेलरी घातली आहे. या लूकमध्ये रेश्मा खूपच सुंदर दिसत आहे. तिने या मेहंदी सोहळ्याच्या पोस्टला एक खास कॅप्शन दिलं आहे. त्यात तिने लिहिलयं की, “माझी मेहंदी”. तिच्या हातावर होणा-या नव-याच्या नावाची मेहंदी रंगली आहे. तिने मेहंदीत ‘U’ हे लेटर लिहिलं आहे. मात्र, अद्यापही रेश्माचा नवरा कोण आहे याचा खुलासा झालेला नाहीयेय.
रेश्माच्या मेहंदीमध्ये तिच्या लग्नाच्या तारखेचा उल्लेख केलेला पाहायला मिळत आहे. या मेहंदीत 29 नोव्हेंबर लिहिल्याचं दिसून येत आहे. त्यामुळं आता तिच्यालग्नाची तारीखही समोर आली आहे. उद्या म्हणजेच 29 तारखेला रेश्मा तिच्या नवीन आयुष्याची सुरुवात करणार आहे.
