श्रीरामपूर : तालुक्यातील दत्तनगर येथे मुलगी त्याच्या दारात खेळत असताना झाडाचे पान तोडले म्हणुन एकास लोखंडी फायटर, लाकडी दांडके, लाथाबुक्यांनी मारहाण करून दुखापत केली तसेच भांडण सोडवायला आलेली त्याच्या पत्नीसही लाथाबुक्क्याने मारहाण करुन धमकी केली. याप्रकरणी चौघांवर गुन्हा दाखल करण्यात आला आहे.
श्रीरामपूर तालुक्यातील दत्तनगर येथील सुरेश विलास माघाडे हे घरासमोर उभे असताना त्यांची लहान मुलगी आर्वी ही खेळताना शिवकुमार जाधव यांचे घरासमोर गेली. तेथे असलेले झाडाचे तिने पान तोडले, तेव्हा शिवकुमार जाधव यांनी सुरेश माघाडे यांना आवाज देवून मुलबाळ सांभाळता येत नाही का, असे म्हणुन शिवीगाळ केली. तसेच त्याचा मुलगा तुषार, साई व पत्नी संगिता हिस आवाज देत सुरेशला शिवीगाळ करून लाथाबुक्‌यांने मारहाण केली.
तसेच संगिता शिवकुमार जाधव हीने सुरेशची पत्नी अर्चना हीचे केस धरले व परत जर तु आम्हाला काय म्हणाला तर तुला इथ राहणं मुश्किल करून व हातपाय तोडुन गळ्यात बांधु, अंशी धमकी दिली. या मारहाणीत सुरेश माघाडे व त्याच पत्नी अर्चना हे जखमी झाले आहेत. त्यांना उपचारासाठी कामगार हॉस्पिटल श्रीरामपूर येथे दाखल केले आहे. याप्रकरणी श्रीरामपूर शहर पोलिस ठाण्यात सुरेश माघाडे यांनी फिर्याद दिली असून पोलिसांनी शिवकुमार जाधव, तुषार शिवकुमार जाधव, साई शिवकुमार जाधव, संगिता शिवकुमार जाधव यांचे विरुध्द गुन्हा दाखल करण्यात आला आहे.
