पुणे : भारत निवडणूक आयोगाच्या सूचनेनुसार विधानसभा सार्वत्रिक निवडणुकीसाठी पुणे कॅन्टोन्मेंट मतदारसंघातील पाच मतदान केंद्रांच्या ठिकाणांमध्ये बदल केल्याची माहिती निवडणूक निर्णय अधिकारी सिद्धार्थ भंडारे यांनी कळविली आहे.
बदलानुसार मोलेदिना टेक्निकल ज्युनिअर कॉलेज, शंकरशेठ रोड, इलेक्ट्रीकल विभाग, खोली क्र. १ येथील मतदान केंद्र क्र. २२६ मीरा को-ऑपरेटिव्ह हाउसिंग सोसायटी, शंकरशेठ रोड, सेव्हन लव्हज चौक येथे, मोलेदिना टेक्निकल ज्युनिअर कॉलेज, शंकरशेठ रोड, इलेक्ट्रीकल विभाग, खोली क्र. २ येथील मतदान केंद्र क्र. २२७ आनंद पार्क को-ऑपरेटिव्ह हाउसिंग सोसायटी लि. प्लॉट क्र. ३९०-२,३,४ शंकरशेठ रोड या ठिकाणी, नूतन प्राथमिक विद्यालय, टेनरी कॅम्प, नेताजी नगरजवळ, वानवडी, खोली क्र. १ व २ येथील मतदान केंद्र क्र. २४५ व २४६ नेताजी को-ऑपरेटिव्ह हाउसिंग सोसायटी लि. नेताजीनगर, वानवडी येथे तुपेच क्रूट मेमोरियल इंग्लिश मीडियम स्कूल, वानवडी, तळमजला, खोली क्र. ९ येथील मतदान केंद्र क्र. २७३ रहेजा गार्डन फेडरेशन को-ऑपरेटिव्ह हाउसिंग सोसायटी, केदारी पेट्रोल पंपसमोर, वानवडी येथे स्थापन केले आहे.
