मुंबई : रिॲलिटी शो ‘दादागिरी 2’ जिंकणारा अभिनेता नितीन चौहानचे निधन झालं आहे. वयाच्या 35 व्या वर्षी त्याने जगाचा निरोप घेतला. नितीनच्या जाण्याने संपूर्ण टीव्हीविश्वावर शोककळा पसरली आहे.
यूपीच्या अलीगढ जिल्ह्यातील रहिवासी असलेल्या नितीनने एमटीव्हीचा ‘स्प्लिट्सविला सीझन 5’ देखील जिंकला होता. याशिवाय जिंदगी डॉट कॉम, क्राईम पेट्रोल आणि फ्रेंड्स यांसारख्या मालिकांमध्येही दिसला होता. क्राईम पेट्रोलमुळेही तो चांगलाच प्रसिद्ध झाला.
नितीनच्या माजी सहकलाकाराने एका पोस्टद्वारे नितीन चौहानच्या निधनाची माहिती दिली. रिॲलिटी शो दादागिरी 2 चे विजेते प्रसिद्ध टीव्ही अभिनेते नितीन चौहान यांचे गुरुवारी (7 नोव्हेंबर) मुंबईत निधन झाले. नितीन फक्त 35 वर्षांचे होते. नितीन हा यूपीच्या अलीगड जिल्ह्यातील रहिवासी होता. दादागिरी 2 शो व्यतिरिक्त नितीनने स्प्लिट्सविलाचा सीझन 5 देखील जिंकला.
दरम्यान, नितीनचा मृत्यू कशामुळे झाला हे अद्याप अस्पष्ट आहे. मात्र नितीनने आत्महत्या केल्याचं म्हटलं जात आहे. विभीती ठाकूरची पोस्टही त्याच प्रकारचे संकेत देत आहे.
