पुणे : पुणे जिल्ह्यातील महायुतीच्या उमेदवारांच्या प्रचारासाठी पंतप्रधान नरेंद्र मोदी यांची मंगळवार, १२ नोव्हेंबरला येथील एसपी कॉलेज मैदानावर सभा होणार आहे. या सभेच्या तयारी आणि सुरक्षिततेची बुधवारी पाहणी करण्यात आली. भाजपचे पदाधिकारी यावेळी उपस्थित होते.
विधानसभा निवडणुकीपूर्वी पुण्यात २५ सप्टेंबर रोजी मोदी यांची जाहीर सभा आयोजित केली होती. या सभेच्या आदल्या दिवशी पाऊस पडल्याने ही सभा रद्द करावी लागली होती. याप्रसंगी मेट्रोच्या स्वारगेट ते जिल्हा न्यायालय या भुयारी मार्गचि उद्घाटन करण्यात येणार होते. नंतर हे उद्घाटन ऑनलाईन करण्यात आले होते.
