पुणे : हार्दिक जोशी अन् अक्षया देवधर ही जोडी ‘तुझ्यात जीव रंगला’ या मालिकेमुळे घराघरांत पोहचली आहे. हे दोघे आता खऱ्या आयुष्यात लग्नीन गाठ बांधणार आहेत.हळदी कार्यक्रमासाठी हार्दिकच्या घरी खास डेकोरेशन करण्यात आले आहे. शिवाय अक्षयानेदेखील तिच्या इन्स्टा स्टोरीमध्ये हार्दिकच्या हळदीचा व्हिडिओ शेअर केला आहे.
नुकतीच हार्दिकला हळद लागली. हार्दिकच्या हळदीच्या कार्यक्रमाला त्याची इंडस्ट्रीतील कलाकार मंडळीही उपस्थित होती. हार्दिकचा मित्र आणि अभिनेता अमोल नाईकने हार्दिकच्या हळदी कार्यक्रमाचा व्हिडिओ इन्स्टाग्राम अकाऊंटद्वारे शेअर केला आहे.
सध्या हार्दिक आणि अक्षया यांच्या घरी लगीनघाई सुरू आहे. आता अक्षय आणि हार्दिकने त्यांच्या लग्नविधींचे काही फोटो आणि व्हिडिओ सोशल मीडियावर शेअर केले आहेत.
अक्षयाच्या हातावर हार्दिकच्या नावाची मेंदी सजली आहे. मेंदी सोहळ्यासाठी अक्षयाने खास डिझायनर आउटफिट परिधान केला होता. अक्षयाने तिच्या इन्स्टा स्टोरीवर मेंदी सोहळ्याचे फोटो आणि व्हिडिओ शेअर केले आहेत.
