पुणे : महाराष्ट्र विधानसभा निवडणूक 2024 ची रणधुमाळी सुरु झाली आहे. त्यामुळे सध्या राजकीय घडामोडींना वेग आला आहे. अशातच प्रसिद्ध कॉमेडी किंग भाऊ कदम यांनी राज्याचे उपमुख्यमंत्री आणि राष्ट्रवादी कॉग्रेसचे अध्यक्ष अजित पवार यांची देवगिरी निवासस्थानी सदिच्छा भेट घेतली. सयाजी शिंदेंपाठोपाठ आता प्रसिद्ध कॉमेडी किंग भाऊ कदम देखील अजित पवारांच्या राष्ट्रवादीचा प्रचार करताना दिसणार आहे.
सर्वत्र विधानसभा निडणुकीच्या चर्चा रंगलेल्या असताना भाऊ कदम आणि अजित पवार यांची भेट चर्चेचा विषय ठरत आहे. या विधानसभेच्या निवडणुकीत अभिनेते भाऊ कदम हे राष्ट्रवादी कॉंग्रेस पक्षाचा प्रचार करणार…,अशा चर्चा आता जोर धरत आहेत.
अजित पवार यांच्या एक्स अकाउंटवर (ट्विटर) फोटो पोस्ट करण्यात आला आहे. ‘आज प्रसिद्ध मराठी अभिनेते श्री. भाऊ कदम यांनी माझी सदिच्छा भेट घेतली. यावेळी खा. श्री. सुनील तटकरे, श्री. सिध्दार्थ कांबळे आणि त्यांचे इतर सहकारी उपस्थित होते.’ असं कॅप्शन फोटो पोस्ट करत देण्यात आलं आहे. सध्या त्यांचे फोटो देखील सोशल मीडियावर व्हायरल होत आहेत.
अजित पवारांची लाडकी बहीण योजना यासह विविध योजनांची माहिती भाऊ कदम प्रचार रॅलीत सहभागी होऊन सर्वसामान्य नागरिकांपर्यंत पोहोचवणार असल्याची माहिती मिळत आहे. राष्ट्रवादी काँग्रेस अजित पवार गटाकडून राज्यभरात भाऊ कदम यांच्या प्रचार रॅलीच आयोजन केलं जाणार आहे. दरम्यान, सयाजी शिंदेंपाठोपाठ आता प्रसिद्ध कॉमेडी किंग भाऊ कदम देखील अजित पवारांच्या राष्ट्रवादीचा प्रचार करताना दिसणार आहे.
आज प्रसिद्ध मराठी अभिनेते श्री. भाऊ कदम यांनी माझी सदिच्छा भेट घेतली. यावेळी खा. श्री. सुनील तटकरे, श्री. सिध्दार्थ कांबळे आणि त्यांचे इतर सहकारी उपस्थित होते. pic.twitter.com/EwtruWtldd
— Ajit Pawar (@AjitPawarSpeaks) November 5, 2024
