आयपीएल 2025 स्पर्धेचे आता वेध लागले आहेत. आयपीएल 2025 स्पर्धेपूर्वी रिटेन केलेल्या खेळाडूंबाबत चर्चा सुरु होत्या. कोणत्या खेळाडूंना रिटेन करणार आणि कोणाला रिलीज करणार अशी चर्चा रंगू लागली होती. अखेर या चर्चेला थांबा मिळाला आहे. कारण आता दहाही फ्रेंचायझींनी रिटेन आणि रिलीज केलेल्या खेळाडूंची यादी जाहीर केली आहे.
या यादीतून चार दिग्गज कर्णधारांना रिलीज करण्यात आलं आहे. त्यामुळे आयपीएल चाहत्यांना मोठा धक्का बसला आहे. सर्वात महत्त्वाचं दिल्ली कॅपिटल्सने फॉर्ममध्ये असणाऱ्या ऋषभ पंतला रिलीज केलं आहे. तसेच मागच्या पर्वात कोलकाता नाईट रायडर्सला जेतेपद मिळवून देणाऱ्या श्रेयस अय्यरला रिलीज करण्यात आलं आहे. त्याचबरोबर लखनौ सुपर जायंट्सचा कर्णधार फ्रेंचायझीसोबत राहिल की नाही? या चर्चांना आता पूर्णविराम मिळाला आहे. कारण केएल राहुलला फ्रेंचायझीने रिलीज केलं आहे. तर आरसीबीचीचा कर्णधार असलेल्या फाफ डु प्लेसिसला फ्रेंचायझीने सोडलं आहे. त्यामुळे आता या चारही संघासाठी नवे कर्णधार मिळणार आहे.
कोलकाता नाईट रायडर्सने तीन वेळा जेतेपद मिळवलं आहे. गौतम गंभीरच्या नेतृत्वात दोन वेळा, तर श्रेयस अय्यरच्या नेतृत्वात एकदा जेतेपद मिळवलं आहे. पण कोलकाता नाईट रायडर्स संघात मागच्या काही दिवसात बरीच उलथापालथ बघायला मिळाली. गौतम गंभीरने मार्गदर्शक पद सोडलं आणि भारतीय संघाची कास धरली आहे. इतकंच नाही तर स्टाफमध्येही बदल झाला आहे. त्यामुळे संघ श्रेयस अय्यरला रिलीज करणार नाही असं वाटत असतानाच कोलकाता फ्रेंचायझीकडून श्रेयस अय्यरला रिलीज करण्यात आलं आहे.
कोलकाता नाईट रायडर्ससोबतच दिल्ली कॅपिटल्स, लखनौ सुपर जायंट्स आणि रॉयल चॅलेंजर्स बंगळुरुने सुद्धा आपापल्या कर्णधारांना रिलीज केलं आहे. कोलकाता सोडलं तर इतर तीन संघांनी अजूनही जेतेपदावर नाव कोरलेलं नाही. त्यामुळे पुढच्या पर्वात या चारही संघासाठी नवे कर्णधार बघायला मिळणार आहेत. रॉयल चॅलेंजर्स बंगळुरुच्या कर्णधारपदाची धुरा पुन्हा एकदा विराट कोहलीच्या खांद्यावर येण्याचे चित्र आहे. आयपीएल मेगा लिलावात आता कोणत्या खेळाडूवर किती रक्कम मोजली जाते? हे बघणं रंजक ठरणार आहे.
