पुणे : मुंबई- बिग बॉस मराठी सीजन 5 चा विजेता सुरज चव्हाण सध्या सतत चर्चेत असतो. बिग बॉसमध्ये असताना सूरजने स्वत:चं घर असावं असं स्वप्न पाहिलं होतं. अखेर ते स्वप्न पूर्ण झालं असून नुकतेच त्याच्या नव्या घराचं भूमिपूजन पार पडलं आहे.
बिग बॉसच्या घरात असताना सुरज ने बरेचदा त्याचे हालाखीचे दिवस बोलून दाखवलेले आहे. बिग बॉसची ट्रॉफी जिंकल्यावर मी माझा स्वतःचा घर बांधेन असे तो बरेचदा म्हणालेला. त्याच्या घराचे स्वप्न पूर्ण करण्यासाठी बऱ्याच जणांनी पुढाकारही घेतला. आता अखेर या घराच्या कार्याचा श्री गणेशा झाला आहे. नुकतेच सुरज चव्हाणच्या नवीन घरासाठी भूमिपूजन पार पडले. या कार्यक्रमात त्याच्या मित्र-मंडळीसह इतर गावकरीही उपस्थित होते.
दरम्यान, सूरजच्या घराच्या भूमिपूजनाचे अनेक फोटो आणि व्हिडिओ सोशल मीडियावर व्हायरल होत आहेत. प्रेक्षकांनी त्याच्या पुढील वाटचालीसाठी भरभरुन शुभेच्छा दिल्या.
