पुणे : पुण्यामध्ये महिलांवरील लैंगिक अत्याचाराच्या घटनांमध्ये मोठ्या प्रमाणात वाढ होत चालली आहे. रोज कोणत्या ना कोणत्या भागात अशी प्रकरणे घडलेली समोर येत आहे. अशातच पुणे जिल्ह्यातील वारजे माळवाडी भागात 50 वर्षाच्या व्यक्तीने 36 वर्षाच्या महिलेवर घरात घुसून अत्याचार केल्याची धक्कादायक घटना समोर येत आहे.
पुण्यात सलग चौथ्या दिवशी महिलेवर लैगिंक अत्याचार झाल्याची घटना घडली आहे. या प्रकरणी वारजे पोलीस ठाण्यात गुन्हा दाखल करण्याता आला आहे.
याप्रकरणी मिळालेल्या माहितीनुसार, वारजे माळवाडी परिसरातील एका सोसायटीत 36 वर्षाच्या महिला राहतात. त्या महिला त्यांच्या घरात भांडी घासत होत्या. तेव्हा 50 वर्षाच्या नराधमाने महिलेच्या घरात घुसून आई कुठे आहे, आई कुठे आहे असा आवाज देत पीडित महिलेला खाली पाडून तिच्यावर लैंगिक अत्याचार करण्याचा प्रयत्न केला.
आरोपीच्या तावडीतून सुटल्यानंतर पिडीत महिलेने थेट पोलीस ठाण्यात धाव घेतली. याप्रकरणी वारजे पोलीस ठाण्यात तक्रार दाखल करण्यात आली.
