पुणे : भूमि अभिलेख विभागाकडील भूकरमापक व लिपिक संवर्गातील रिक्त पदे भरण्यासाठी पात्र उमेदवारांची ऑनलाइन परीक्षा २८ ते ३० नोव्हेंबर या कालावधीत आयबीपीएस कंपनीमार्फत महाराष्ट्रातील विविध केंद्रांवर घेण्यात येणार आहे, अशी माहिती भूमि अभिलेख विभागाचे उपसंचालक किशोर तवरेज यांनी दिली.
पात्र उमेदवारांनी संकेतस्थळावर देण्यात आलेल्या सूचनांनुसार प्रवेशपत्र डाऊनलोड करावे. त्यावरील नमूद परीक्षा केंद्रावर दिलेल्या वेळेत उपस्थित राहावे.
परीक्षा पद्धतीबाबतची सविस्तर माहितीपुस्तिका विभागाच्या संकेतस्थळावर प्रसिद्ध करण्यात येईल, असे भूमि अभिलेख विभागाद्वारे सांगण्यात आले.
परीक्षेचे विभागनिहाय वेळापत्रक व उमेदवारांचे परीक्षेचे प्रवेशपत्राबाबत विभागाचे अधिकृत संकेतस्थळ http://mahabhumi.gov.in वर लिंक उपलब्ध करुन देण्यात येणार आहे.
