पुणे: पत्नी व सासरच्या लोकांकडून होणाऱ्या मानसिक त्रासाला कंटाळून जावयाने स्वतः घरी गळफास घेऊन आत्महत्या केल्याची घटना समोर आली आहे.
या घटनेमध्ये समीर निवृत्ती नाईक (वय ३८,रा. खडकी, दारुगोळा कारखाना) असे आत्महत्या केलेल्या जावयाचे नाव आहे.
या प्रकरणी समीर यांचे वडील निवृत्ती भगवंत नाईक (वय ६५, रा. चांभुर्डी, श्रीगोंदा) यांनी खडकी दारुगोळा कारखाना पोलीस ठाण्यात फिर्याद दिली.
त्यानुसार पत्नी उषा समीर नाईक, सासू सरसाबाई रामचंद्र पंदरकर (वय ६०), सासरे रामचंद्र पंदरकर, मालसिंग उद्भव आढाव (वय ४५) यांच्या विरुद्ध आत्महत्येस प्रवृत्त केल्याचा गुन्हा दाखल केला.
घटना खडकीत फॅक्टरी इस्टेट स्टेशन हेडक्वॉर्टर जवळ २०१८ ते २७ ऑगस्ट २०२२ या कालावधीत घडली आहे.
