पिंपरी : घरासमोर दारूची बाटली फोडण्याचा जाब विचारल्याने चार जणांनी मिळून एकाला बेदम मारहाण केली. ही घटना शुक्रवारी (दि. १६) दुपारी तीन वाजताच्या सुमारास पीडब्ल्यूडी मैदान, नवी सांगवी येथे घडली. रामा साहेबा पवार (वय ५५, रा. पीडब्ल्यूडी मैदान, नवी सांगवी) यांनी याप्रकरणी सांगवी पोलीस ठाण्यात फिर्याद दिली आहे. त्यानुसार उत्तम जाधव (वय ५०, रा. दापोडी), लखन दांडेकर (वय ६०, रा. पिंपळे गुरव), अर्जुन जाधव (वय २०), किरण जाधव (वय २४, रा. दापोडी) यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपींनी फिर्यादी यांच्या घरासमोर येऊन दारूची बाटली फोडली. त्यामुळे फिर्यादी यांनी आरोपींना त्याचा जाब विचारला. त्या कारणावरून लखन दांडेकर याने फिर्यादीस शिवीगाळ करून दगडफेक केली. त्यामध्ये फिर्यादी यांच्या पत्नीच्या बोटाला दुखापत झाली. त्यानंतर आरोपींनी फिर्यादीस शिवीगाळ करून हाताने मारहाण केली.
