पुणे : मराठा आरक्षण आंदोलनाचे नेते मनोज जरांगे-पाटील यांच्या ‘मराठा आरक्षण जनजागृती शांतता रॅली’चे आयोजन रविवारी (ता. ११) करण्यात आले आहे. अखंड मराठा समाज पुणे जिल्हा यांच्यातर्फे आयोजित केलेल्या रॅलीची सुरुवात दुपारी १२ वाजता सारसबाग येथून होणार असून त्या पार्श्वभूमीवर शहरातील वाहतुकीत बदल करण्यात आले आहेत.
रॅली ज्याप्रमाणे पुढे जाणार त्याप्रमाणे मागील चौक वाहतुकीसाठी खुले करण्यात येणार आहे, अशी माहिती वाहतूक शाखेचे पोलिस उपायुक्त रोहिदास पवार यांनी दिली. मोर्चा सुरू झाल्यानंतर नवले पुलाकडून येणारी वाहतूक नवीन बोगद्याकडे वळविण्यात येणार असून खडीमशीन चौकातून जड वाहने कात्रजकडे न सोडता बोपदेव घाटाकडे वळविण्यात येणार आहेत. कात्रज चौक ते होल्गा चौक येणारी वाहतूक रॅली पुढे जाणार त्याप्रमाणे सुरू करण्यात येणार आहे. जेधे चौक ते सिंहगड रस्त्यावरील वाहतूक व्होल्गा चौक, मित्रमंडळ चौक व सावरकर चौक अशी असणार आहे.
असे असतील बदल..
- दांडेकर पूल – सिंहगड रस्त्यावरून येणारे वाहतूक दांडेकर पूल, सावरकर चौक, मित्रमंडळ चौक व व्होल्गा चौक अशी वळविण्यात आली आहे.
- निलायम पूल – सावरकर पुतळ्ळ्याकडे वाहतूक बंद राहील
- ना. सी फडके चौक-सणस पुतळ्याकडे वाहतूक बंद राहील
- एस पी कॉलेज चौक – पूरम चौकाकडे वाहतूक बंद राहील
- शिवाजी रस्ता – राष्ट्रभूषण चौकाद्वारे वाहने वेगा सेंटरमार्गे जातील
- सेव्हन लव चौक – जेधे चौकाकडे जाणारा रस्ता वाहतुकीसाठी बंद असणार. वाहने मार्केटयार्ड किंवा पुणे स्टेशनकडे नेहरू रस्त्याने सोडली जातील
- सेव्हन लव चौक जेथे चौकाकडे जाणारा रस्ता वाहतुकीसाठी बंद राहील. वाहने मार्केटयार्ड किंवा पुणे स्टेशनकडे नेहरू रस्त्याने सोडली जातील
- मार्केटयार्ड जंक्शन – जेथे चौकाकडे वाहतूक बंद राहील. वाहने वखार महामंडळ मार्गे सोडली जातील
- पंचमी चौक-पंचमी चौक ते जेधे चौकाकडे वाहतूक बंद राहील. वाहने पंचमी ते शिवदर्शन चौक, शिवदर्शन ते गजानन महाराज मंदिर चौक ते निलायम टॉकीज मार्गे सोडली जातील
- शिवदर्शन चौक – मित्रमंडळ चौकाकडे वाहतूक बंद राहील
रॅली निघाल्यानंतरचे वाहतूक बदल..
- शनिपार चौक – कुमठेकर रस्त्यावर शनिपार चौकाकडे जाणारी वाहतूक बंद राहणार
- बेलबाग चौक – लक्ष्मी रस्त्यावर बेलबाग चौकाकडे जाणारी वाहतूक बंद राहणार
- केळकर रस्ता – टकले हवेली चौक ते अप्पा बळवंत चौकाकडे वाहतूक बंद राहणार
- बुधवार चौक – अप्पा बळवंत चौकाकडे जाणारी वाहतूक बंद राहणार
- जिजामाता चौक – फुटक्या बुरुजाकडे जाणारी वाहतूक बंद राहणार
- जयवंतराव टिळक पूल – शनिवार वाड्याकडे जाणारी वाहतूक बंद राहणार
- कुंभारवेस चौक-गाडगीळ पुतळ्याकडे वाहतूक बंद राहणार
