पुणे : चांगली नोकरी मिळावी, यासाठी अनेकांचा प्रयत्न असतो. तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, राष्ट्रीय आरोग्य अभियान, नंदुरबार येथे रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑफलाईन पद्धतीने अर्ज करता येणार आहे.
राष्ट्रीय आरोग्य अभियान, नंदुरबार येथे कीटकशास्त्रज्ञ, सार्वजनिक आरोग्य विशेषज्ञ आणि प्रयोगशाळा तंत्रज्ञ या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला नंदुरबार येथे जाऊन नोकरी करावी लागणार आहे. या प्रक्रियेंतर्गत एकूण 24 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे.
अर्ज प्रक्रियेला 8 ऑगस्ट म्हणजे आजपासून सुरुवात झाली असून, 16 ऑगस्ट 2024 ही अर्ज करण्याची शेवटची तारीख असणार आहे. यामध्ये ऑफलाईन पद्धतीने अर्ज करावा लागणार असून, आरोग्य विभाग, जिल्हा परिषद, नंदुरबार येथे अर्ज पाठवावा लागणार आहे. या भरती प्रक्रियेबाबत अधिक माहितीसाठी http://zpndbr.in/ अधिकृत वेबसाईटवरून माहिती घेता येणार आहे.
