वर्धा : वर्धा शहरातून एक मोठी घटना घडल्याचे समोर येत आहे. वर्ध्यात ऑटो आणि कंटेनरचा भीषण अपघात झाला आहे. या अपघातात 4 जणांचा जागीच दुर्दैवी मृत्यू झाला असून तीन जण गंभीर जखमी झाल्याची माहिती मिळत आहे. वर्ध्याच्या पूलगाव नजीकच्या केळापूर येथे ही घटना घडली आहे. अपघाताची माहिती मिळताच पोलिसांचे पथक आणि एक रुग्णवाहिका घटनास्थळी दाखल झाली आहे. पोलीस पुढील कायदेशीर प्रक्रिया करत आहेत. गंभीर जखमींवर सावंगी रुग्णालयात उपचारासाठी दाखल करण्यात आले आहे. या भीषण अपघातामुळे परिसरात एकच खळबळ उडाली आहे.
4 जणांचा जागीच मृत्यू..
मिळालेल्या प्राथमिक माहितीनुसार, अपघातातील ऑटो हा वर्ध्यावरून पूलगावच्या दिशेने जात होता. दरम्यान, समोरून येणाऱ्या भरधाव कंटेनरने ऑटोला जोरदार धडक दिली. ही धडक इतकी भीषण होती की, या धडकेत जागीच ऑटो मधील 4 जणांचा जागीच मृत्यू झाला असून तीन जण गंभीर जखमी झाले आहे. ही धडक दिल्यावर कंटेनर चालक आणि इतर व्यक्ति हे घटना स्थळावरून फरार झाल्याची माहिती मिळत आहे. दुर्गा मेशराम, सतीश नेहारेसह इतर दोन व्यक्तिचा मृतांमध्ये समावेश आहे. या प्रकरणाचा पोलीस अधिक तपास करत आहेत.
