पुणे प्राईम न्यूज डेस्क: आज देशात 5G नेटवर्क आहे, ज्याबाबत दूरसंचार कंपन्या अल्ट्रा स्पीडचा दावा करत आहेत. पण, हे वास्तव नाही. आजही लोक खराब मोबाईल नेटवर्कमुळे खूप त्रस्त आहेत. काही लोक खराब नेटवर्कमुळे फोनवर नीट बोलू शकत नाहीत, तर काहींना इंटरनेट अजिबात वापरता येत नाही. नेटवर्कच्या समस्यांसाठी अनेक वेळा टेलिकॉम कंपन्या जबाबदार असतात. परंतु, कधी कधी फोनच्या सेटिंग्जमध्ये समस्या उद्भवतात. तुमच्या फोनमध्ये नेटवर्कची समस्या असल्यास ही बातमी तुमच्यासाठी उपयुक्त ठरू शकते.
फोन रीस्टार्ट करा: नेटवर्क समस्यांवर पहिला उपाय म्हणजे तुमचा फोन रीस्टार्ट करणे. रीस्टार्ट बटणाने फोन रीस्टार्ट करण्याऐवजी फोन बंद करा आणि नंतर सुरु करा.
सिग्नल स्ट्रेंथ: तुमच्या फोनवरील सिग्नल स्ट्रेंथ तपासा. जर तुमच्या क्षेत्रातील कव्हरेज चांगले नसेल तर नेटवर्क समस्या अपरिहार्य आहेत. अधिक समस्या असल्यास तुम्ही कंपनीकडे तक्रार करून नेटवर्क बूस्टर इन्स्टॉल करून घेऊ शकता.
एयरप्लेन मोड: तुम्हाला नेटवर्क समस्या येत असल्यास, तुम्ही फ्लाइट मोड एकदा सुरु करून तो बंद करू शकता. हे नेटवर्क पुन्हा स्थिर करण्यास मदत करते.
सॉफ्टवेअर अपडेट्स आणि सेटिंग्ज: तुमच्या फोनमध्ये काही अपडेट असेल तर लगेच अपडेट करा. याशिवाय फोनचे नेटवर्कही रिसेट होईल. हे सेटिंग Wi-Fi नेटवर्क देखील डिस्कनेक्ट करेल, त्यामुळे तुम्हाला पुन्हा पासवर्ड टाकावा लागेल.
