Job Loss: OpenAI, जी ChatGPT सारख्या AI चॅटबॉटसाठी ओळखली जाते, यांनी नुकत्याच एका अभ्यासात गंभीर इशारा दिला आहे. या अहवालानुसार जगभरातील तब्बल 44 प्रकारच्या नोकऱ्या AI मुळे धोक्यात आहेत. यामध्ये रिटेल, सेल्स, क्लर्क, सॉफ्टवेअर डेव्हलपर, संपादक, वकील यांसारखे उच्च-कौशल्य व्यावसायिकही आहेत. AI काही नोकऱ्यांमध्ये 81% पेक्षा जास्त अचूकतेने काम करू शकतो.
अभ्यासात अमेरिका येथील 9 महत्त्वाच्या आर्थिक उद्योगांमधील व्यावसायिकांच्या कामाची तुलना AI सोबत केली. या तपासणीत काही क्षेत्रांमध्ये AI ने माणसांना मागे टाकले, विशेषतः रिटेल आणि सेल्स (Retail and Sales) क्षेत्रात. एंथ्रोपिकच्या Claude Opus 4.1 AI ने सरासरी 47.6% वेळा मानवी तज्ञांना मागे टाकले.
AI चा यशाचा दर किती?
ओपनएआयच्या (OpenAI) अभ्यासानुसार, विविध नोकऱ्यांमध्ये AI चा यशाचा दर (Accuracy Rate) खालीलप्रमाणे नोंदवला गेला आहे: काउंटर आणि रेंटल क्लर्क यासारख्या नोकऱ्यांमध्ये AI चा यशाचा दर सर्वाधिक 81% आहे. त्याखालोखाल सेल्स मॅनेजरसाठी 79%, शिपिंग, रिसिव्हिंग आणि इन्व्हेंटरी क्लर्कसाठी 76% आणि संपादक (Editor) या कामासाठी 75% इतका उच्च दर आहे. उच्च-कौशल्ये आवश्यक असलेल्या कामांमध्येही AI प्रभावी ठरत आहे, ज्यात सॉफ्टवेअर डेव्हलपर आणि खासगी गुप्तहेर या दोघांसाठीही यशाचा दर 70% इतका आहे. याशिवाय, फर्स्ट-लाइन सुपरवायजर्स आणि कंप्लायंस ऑफिसरसाठी 69%, विक्री प्रतिनिधीसाठी 68% आणि जनरल ऑपरेशन्स मॅनेजर्ससाठी 67% इतका दर नोंदवण्यात आला आहे, ज्यामुळे कामाच्या ठिकाणी मोठे बदल होण्याचे संकेत मिळत आहेत.
या यादीत नर्स प्रॅक्टिशनर, वकील, वित्तीय सल्लागार, मनोरंजन कर्मचारी, अकाउंटंट्स आणि इंजिनियर्स यांसारखी नोकऱ्याही आहेत. येत्या काही वर्षांत काम करण्याची पद्धत मोठ्या प्रमाणात बदलणार आहे आणि अंदाजे 40% नोकऱ्या संपुष्टात येऊ शकतात.
