सोलापूर: सोलापूर जिल्ह्यातील बार्शी (Shocking News) तालुक्यात घडलेल्या एका धक्कादायक घटनेमुळे राज्यातील पोलीस यंत्रणेवर गंभीर प्रश्नचिन्ह उभं राहिलं आहे. अनुसूचित (Barshi News) जातीतील आठ महिन्यांची गर्भवती महिला पोलिसांच्या मारहाणीची बळी ठरली असून, तिचा विनयभंग करण्यात (Solapur News) आल्याचा आणि जातीवाचक शिवीगाळ केल्याचा आरोप पोलिसांवर करण्यात आला आहे. विशेष म्हणजे, या प्रकरणी तक्रार देऊनही गुन्हा दाखल न झाल्याने पीडित महिलेला थेट उच्च न्यायालयात धाव घ्यावी लागली आहे. (Latest Marathi News)
बार्शी तालुक्यातील छकुली शिंदे ही महिला आपल्या बहिणीकडे वास्तव्यास असताना ही घटना घडली. याचिकेनुसार, चार ते पाच पोलिस वाहनांतून तब्बल २५ ते ३० पोलिस कर्मचारी अचानक गावात दाखल झाले. एकही महिला पोलिस अधिकारी नसताना पोलिसांनी घरात घुसखोरी केली आणि छकुली शिंदे यांना बेदम मारहाण केली. तिच्या पुरुष नातेवाईकांनाही बेकायदेशीररीत्या ताब्यात घेण्यात आलं.
आपण आठ महिन्यांची गर्भवती असल्याचं सांगूनही पोलिसांनी तिच्यावर काठ्या आणि लाथाबुक्क्यांचा मारा केला. पोलिसांचा आरोप होता की ती गर्भवती नसून तिने पोटात सोने लपवले आहे. याच वेळी तिचा विनयभंग करण्यात आला आणि जातीवाचक शिवीगाळ करण्यात आली, असा गंभीर आरोप याचिकेत करण्यात आला आहे. कोणतीही पंचनामा प्रक्रिया न करता घरातील रोख रक्कम, दागिने आणि महत्त्वाची कागदपत्रे पोलिसांनी उचलून नेल्याचाही दावा करण्यात आला आहे.
या घटनेनंतर २० नोव्हेंबर रोजी लेखी तक्रार देण्यात आली होती. मात्र, आजपर्यंत गुन्हा दाखल करण्यात आलेला नाही. उलट तक्रार मागे घेण्यासाठी दबाव टाकला जात असल्याचाही आरोप करण्यात आला आहे.
या प्रकरणी जेष्ठ वकील असीम सरोदे यांच्या माध्यमातून मुंबई उच्च न्यायालयाच्या कोल्हापूर खंडपीठात रिट याचिका दाखल करण्यात आली आहे. यामध्ये पोलीस महासंचालक, सोलापूर ग्रामीण पोलीस अधीक्षक, बार्शी उपविभागीय पोलीस अधिकारी आणि पोलीस निरीक्षकांना प्रतिवादी करण्यात आलं आहे.
