कोल्हापूर : कोल्हापूर जिल्ह्याला आज (दि.27 मे) हवामान विभागाने रेड अलर्ट जारी केला आहे. संपूर्ण जिल्ह्यात आज जोरदार पावसाची शक्यता हवामान विभागाने वर्तवली आहे. दरम्यान प्रशासनाकडून सतर्कतेचा इशारा देण्यात आला आहे. जिल्ह्यातील नागरिकांना सुरक्षित स्थळी राहण्याचे आवाहन प्रशासनाकडून करण्यात आले आहे.
जिल्ह्यात मुसळधार पावसामुळे जिल्ह्यातील १६ बंधारे पाण्याखाली गेले आहेत. यामुळे वाहतुकीच्या समस्या उद्भवत असून तीन मुख्य मार्ग बंद करण्यात आले आहेत. या मार्गांवरील वाहतूकीसाठी पर्यायी मार्ग शोधण्यात आले आहेत.
सतत पडणाऱ्या पावसामुळे सध्या कोल्हापुरात नद्यांची पातळी वाढली आहे. परिणामी जल विभाग व आपत्कालीन प्रशासनाने सतर्कतेचा ईशारा दिला आहे. नागरिकांनी नदीकाठच्या भागात न जाण्याचे आवाहनही प्रशासनाकडून करण्यात आले आहे. पुढील काही तास पावसाच्या दृष्टीने महत्वाचे असल्याचे हवामान विभागाने म्हटले आहे.
