आदित्य बोराटे
इंदापूर: राज्य परिवहन महामंडळाच्या नॅशनल कॉमन मोबिलिटी कार्ड (NCMC) वितरण उपक्रमांतर्गत इंदापूर शहरातील सावतामाळीनगर येथे रविवारी (दि.५) रोजी आयोजित करण्यात आलेल्या शिबिरात एकूण २५५ लाभार्थ्यांना एनसीएमसी कार्डांचे वाटप करण्यात आले. शिबिरास ज्येष्ठ नागरिक आणि महिलांनी मोठ्या संख्येने उपस्थित राहून उत्स्फूर्त प्रतिसाद दिला.
भाजपचे ज्येष्ठ नेते प्रदीप गारटकर व प्रवीण माने यांच्या मार्गदर्शनाखाली युवानेते आशुतोष शिंदे आणि मयूर शिंदे यांनी या शिबिराचे आयोजन केले होते.नागरिकांना एनसीएमसी कार्ड सहज उपलब्ध व्हावे आणि त्यांना संबंधित सुविधांची माहिती मिळावी, या उद्देशाने हा उपक्रम राबविण्यात आल्याचे आयोजकांनी सांगितले.
या कार्यक्रमाचे उद्घाटन भाजपचे युवा नेते प्रवीण माने यांच्या हस्ते करण्यात आले.यावेळी बोलताना त्यांनी एनसीएमसी कार्डच्या विविध सुविधांबाबत उपस्थितांना मार्गदर्शन केले. तसेच नागरिकांनी शासनाच्या विविध योजनांची माहिती घेऊन त्यांचा लाभ घ्यावा, असे आवाहनही त्यांनी केले.
या प्रसंगी एसटी महामंडळाच्या आगारचे सहाय्यक वाहतूक अधीक्षक संजय वायदंडे, वाहतूक नियंत्रक विक्रम चंदनशिवे, नगरसेवक संजय शिंदे, सुधाकर ढगे, गणेश राऊत, नगरसेविका शकीला खाजा बागवान, सौ. शितल अतुल शेटे, भाजपचे शहराध्यक्ष किरण गाणबोटे, ओबीसी मोर्चाचे शहराध्यक्ष मयूर शिंदे, भाजपचे युवा नेते आशुतोष शिंदे, शुभम शिंगाडे, सामाजिक कार्यकर्ते वसिम बागवान, ॲड. मयूर शिंदे, मुन्ना बागवान, नागेश शिंदे आदी उपस्थित होते.तसेच महेश वाकळे व राजाभाऊ राऊत यांचे विशेष सहकार्य लाभल्याची माहिती आयोजकांनी दिली.
