लहू चव्हाण
पाचगणी : पर्यटननगरी पाचगणी शहरात १ ते ३ डिसेंबर रोजी तीन दिवसीय ‘आय लव्ह पाचगणी’ फेस्टिवल आयेजित केली आहे. या कालावधीत होणाऱ्या संभाव्य गर्दीमुळे शहरातील वाहतूक व्यवस्थेत बदल करण्यात आल्याची माहिती पाचगणीचे सहाय्यक पोलीस निरीक्षक राजेश माने यांनी दिली.
पाचगणी फेस्टिवलमध्ये पर्यटकांबरोबरच स्थानिक नागरिकांची मोठ्या प्रमाणात गर्दी होणार असल्याने, त्याचबरोबर पाचगणी-महाबळेश्वर येथे पर्यटनासाठी येणाऱ्या पर्यटकांच्या वाहनांचीही संख्या अधिक असल्याने, सातारा पोलीस अधिक्षकांच्या आदेशानुसार वाहतुकीत बदल करण्यात आला आहे.
असा असेल बदल
– महाबळेश्वरकडून वाईच्या दिशेने जाणारी वाहतूक एस.टी. स्टॅण्ड चौक, पाचगणी मार्गे प्लाझा हॉटेल-टेबल लॅण्ड कॉर्नर, अपना हॉटेल-भिमनगर, जुने पोलीस ठाणे ते – मेन रोड.
– वाईकडून महाबळेश्वरच्या दिशेने जाणारी वाहतूक डॉ. बाबासाहेब आंबेडकर उद्यान-शॉलम हायस्कूल-न्युईरा हायस्कुल पांचगणी मार्गे रश्मी चौक ते मेन रोड.
वरील नियमाचे उल्लघंन केल्यास महाराष्ट्र पोलीस अधिनियम १९५१ चे कलम १३१ अन्वये कारवाई करण्यात येणार असल्याची माहिती राजेश माने यांनी दिली.
