Rohit Pawar On Gopicahand Padalkar : रोहित पवार बिनडोक माणूस आहे, आणि त्यांना सल्ला देणारा बेअक्कल आहे. संघर्ष यात्रा अयशस्वी झाली म्हणून रोहित पवार स्टंट करत आहेत, अशी टीका भाजप आमदार गोपीचंद पडळकर यांनी कर्जत-जामखेडचे आमदार रोहित पवार यांच्यावर केली आहे. विधानभवन परिसरात प्रसारमाध्यमांच्या प्रतिनिधींशी बोलताना रोहित पवार यांचा संघर्ष यात्रेचा चांगलाच समाचार घेतला.
यावेळी पडळकर म्हणाले, रोहित पवार बिनडोक माणूस आहे. त्यांना जो सल्ला देतो तो देखील बेअक्कल आहे. रोहित पवारांनी कधी संघर्ष बघितला? संघर्ष आणि रोहित पवार यांचा संबंध काय? असा सवाल देखील पडळकरांनी रोहित पवारांना केला आहे. तसेच राज्यात त्यांच्या संघर्ष यात्रेला कुठेच रिस्पॉन्स मिळाला नाही. संघर्ष यात्रा फेल झाली म्हणून काहीतरी स्टंट करायचा. संघर्ष यात्रा अपयशी ठरल्यामुळे त्यांनी हा केविलवाणा प्रयत्न केला आहे.
पीएचडी करून तरूण मुलं करतात काय? काय दिवे लावतात?, अशी मिश्किल टिपण्णी अजित पवार यांनी केली. मी सभागृहात नव्हतो त्यामुळे मला काही माहिती नाही, असे म्हणत उत्तर देणे टाळले आहे.
