नागपूर : राज्य विधीमंडळाच्या हिवाळी अधिवेशनाचं तात्पुरतं वेळापत्रक जाहीर करण्यात आले आहे. 7 डिसेंबर ते 20 डिसेंबर दरम्यान नागपुरात हिवाळी अधिवेशन घेण्यात येणार आहे. मात्र, हे हिवाळी अधिवेशन फक्त 10 दिवसांत गुंडाळलं जाण्याची शक्यता आहे. दरम्यान दरवर्षी हिवाळी अधिवेशन हे शुक्रवारी संपते. मात्र, यावेळी हे अधिवेशन 20 डिसेंबरला बुधवारीच संपण्याची शक्यता आहे.
हिवाळी अधिवेशनाच्या 7 डिसेंबर ते 20 डिसेंबर अशी दहा दिवसांच्या कामकाजाची तात्पुरती दिनदर्शिका जाहीर झाली आहे. यानुसार 7 डिसेंबरपासून सुरू होणाऱ्या अधिवेशनाचे कामकाज 20 डिसेंबरपर्यंतच नमूद करण्यात आले आहे. त्यामुळे 20 तारखेलाच अधिवेशन गुंडाळलं जाणार का? असा प्रश्न आता उपस्थित होत आहे.
