बुलढाणा: बुलढाणा जिल्ह्याला (Crime News) हादरवून सोडणारी एक मोठी घटना समोर आली आहे. मलकापूर (Malkapur) ते मोताळा रोडवर दिवसाढवळ्या 14 वर्षीय मुलीचे अपहरण (Kidnapping) करण्याचा प्रयत्न झाला. मात्र, संतप्त नागरिकांच्या सतर्कतेमुळे आरोपींचा डाव फसला आणि त्यांनी तिघांनाही पकडून पोलिसांच्या हवाली केले.
मुलीचे अपहरण
मिळालेल्या माहितीनुसार, काही अज्ञात आरोपींनी रस्त्यावरून जाणाऱ्या 14 वर्षांच्या अल्पवयीन मुलीला गाठले. तिला बेशुद्ध (Unconscious) करण्याच्या उद्देशाने त्यांनी तिच्या तोंडावर स्प्रे मारला आणि जबरदस्तीने कारमध्ये बसवण्याचा प्रयत्न केला.
हा अपहरणाचा प्रयत्न सुरू असतानाच स्थानिक नागरिकांच्या ही गोष्ट लक्षात आली. नागरिकांनी तात्काळ तत्परता दाखवत आरोपींच्या कारचा (Car) पाठलाग (Chase) केला. पाठलागानंतर जमावाने या तिन्ही आरोपींना पकडले. यावेळी संतप्त जमावाने त्यांना चांगलाच चोप दिला, तसेच त्यांच्या कारची तोडफोड केली.
आरोपी बीड आणि यूपीचे:
मारहाणीनंतर नागरिकांनी या आरोपींना बोरखेडी पोलिसांच्या (Borkhedi Police) स्वाधीन केले. प्राथमिक माहितीनुसार, पकडलेल्या 3 आरोपींपैकी 2 जण बीड (Beed) जिल्ह्यातील, तर 1 आरोपी उत्तर प्रदेशातील (Uttar Pradesh) आहे. अपहरण नेमके कोणत्या उद्देशाने केले जात होते, यामागचे कारण अद्याप स्पष्ट झालेले नाही.
