पोपट पाचंगे
रांजणगाव : येथील पंचतारांकित रांजणगाव औद्योगिक वसाहतीमध्ये येणाऱ्या मालवाहतूक वाहनचालकांकरिता वाहनतळ उपलब्ध करुन देण्याची मागणी आंबेगाव शिरुर भाजपचे माजी तालुकाध्यक्ष सतिश पाचंगे यांनी ज्येष्ठ नेते शरद पवार यांच्याकडे निवेदनाद्वारे केली आहे.
पाचंगे यांनी या निवेदनाच्या प्रति उद्योगमंत्री उदय सामंत, पर्यावरण मंत्री पंकजा मुंडे आणि एमआयडीसीच्या अधिकाऱ्यांना दिल्या आहेत.
या निवेदनात पाचंगे यांनी म्हटले आहे कि, रांजणगाव औद्योगिक वसाहतीमध्ये जवळपास चारशेच्या आसपास छोटया मोठया कंपन्या कार्यरत असून, या कंपन्यामध्ये मालाची ने आण करण्यासाठी मोठया प्रमाणात छोटी मोठी व अवजड वाहने येत असतात. या वाहनांकरिता वाहनतळासाठी यश इन चौक, राजमुद्रा चौक आणि अन्य ठिकाणी जागा उपलब्ध करुन दिली होती. एमआयडीसीने यातील एका जागा कंपनीला तर दुसऱ्या ठिकाणी पेट्रोलपंप व अतिक्रमण झालेले दिसून येत आहे.यामुळे मालाची वाहतूक करणाऱ्या वाहनांना एमआयडीसीतील मुख्य तसेच अंतर्गत रस्त्यावर वाहने लावावी लागतं असल्यामुळे येथे अनेकदा छोटे मोठे अपघात होऊन अनेक जण गंभीर जखमी तर अनेकांना आपला जीव गमवावा लागत आहे.
याबाबत एमआयडीसीत वाहनतळासाठी तातडीने जागा उपलब्ध करुन देण्याची मागणी पाचंगे यांनी निवेदनाद्वारे पवार यांच्याकडे केली आहे.
