जळगाव: जिल्ह्यातील मुक्ताईनगरमधून एक बातमी समोर आली आहे. येथे भाजप आणि शिंदे सेनेच्या कार्यकर्त्यांमध्ये जोरदार राडा झाल्याची माहिती मिळत आहे. भाजपचा कार्यकर्ता मतदान केंद्रात शिरल्यानंतर शिवसेनेचे आमदार चंद्रकांत पाटील (Chandrakant Patil) यांचे कार्यकर्ते आक्रमक झाले. तेंव्हा दोन्ही गटात चांगलाच राडा झाला. (Jalgaon Politics)
यावेळी, भाजप आणि आमदार चंद्रकांत पाटील यांच्या कार्यकर्त्यांमध्ये धक्काबुक्की झाल्याची माहिती मिळत आहे. तसेच यावेळी भाजपच्या कार्यकर्त्यांनी शिवसेना कार्यकर्त्यांकडून मारहाण झाल्याचा आरोप केला आहे.
अचानक घडलेल्या या घटनेमुळे मतदान केंद्रावर मोठा गोंधळ उडाला होता. परिस्थितीवर नियंत्रण आणण्यासाठी पोलिसांकडून खबरदारी घेत परिसरात मोठी पोलीसा यंत्रणा तैनात करण्यात आली होती.
