छ. संभाजीनगर: छ. संभाजीनगर शहरात सायबर गुन्ह्याचा एक धक्कादायक प्रकार उघडकीस आला आहे, जिथे एका पुरूषाला ब्लॅकमेल करून घोटाळेबाजांनी तब्बल १४.६६ लाख रुपये लंपास केले आहे. फिर्यादीला २३ मार्च रोजी आंघोळ करत असताना व्हॉट्सअॅपवर एक व्हिडिओ कॉल आला. कॉल करणारी महिला नग्नावस्थे होती. आरोपीने नकळत व्हिडिओ रेकॉर्ड केला.
हेमंत मल्होत्रा नावाच्या व्यक्तीचानंतर फिर्यादीला फोन आला, घोटाळेबाजांनी पैसे न दिल्यास व्हिडिओ ऑनलाइन लीक करण्याची धमकी दिली. दरम्यान, आणखी एका व्यक्तीचा फोन आला, प्रमोद राठोड नावाच्या या व्यक्तीने पोलीस अधिकारी असल्याचे भासवून या प्रकरणातून बाहेर काढतो परंतु पैसे लागतील असे सांगितले, पैसे न दिल्यास तुरुंगात जाण्यासाठी तयार रहा अशी भीती फिर्यादीला दाखवली.
प्रकरणाच्या एका महिन्याच्या कालावधीत, घोटाळेबाजांनी फिर्यादीकडून 14 लाख 66 हजार 773 रुपये उकळले, परंतु सामाजिक भीतीमुळे घटनेची तक्रार करण्यासाठी ते घाबरले असल्याचे फिर्यादीने सांगितले. तथापि, रक्कम देऊनही ब्लॅकमेलिंग सुरूच राहिल्याने, अखेर पोलिसांकडे तक्रार दाखल केली. पोलिसांनी मोनी पाटील, हेमंत मल्होत्रा, प्रमोद राठोड आणि अरविंद सिंग यांच्यासह सहा जणांविरुद्ध गुन्हा दाखल केला आहे. अधिकारी आता या प्रकरणी अधिक तपास करत आहेत.
पोलिसांना असा संशय आहे की, ही टोळी अशाच प्रकारच्या खंडणीच्या प्रकरणांमध्ये सहभागी असू शकते त्यामुळे पोलिस सखोल चौकशी करत आहे. नागरिकांना अशा घोटाळ्यांपासून सावध राहण्याचा आणि कोणत्याही संशयास्पद हालचालींची त्वरित अधिकाऱ्यांकडे तक्रार करण्याचा सल्ला देण्यात येत आहे.
