माजलगाव (बीड): राज्यात मराठा आरक्षणाचा मुद्दा तापला असून, आरक्षणाच्या मागणीसाठी मराठा समाज आक्रमक होताना पाहायला मिळत आहे. गावागावात आरक्षणासाठी आंदोलन सुरू आहे. तर काही ठिकाणी या आंदोलनाला हिंसक वळण लागल्याचा देखील पाहायला मिळत आहे. आता बीड जिल्ह्यातील माजलगाव तालुक्याचे आमदार प्रकाश सोळंके यांच्या घरावर संतप्त आंदोलकांनी दगडफेक केली आहे. आमदार सोळंके हे मराठा आरक्षणासाठी काहीच बोलत नसल्याचा आंदोलकांचा आरोप आहे.
दरम्यान मराठवाड्यात मराठा आरक्षणाच्या मागणीसाठी वेगवेगळ्या जिल्ह्यात 12 बस फोडण्यात आल्या आहेत. तर जालन्यात महिला तहसीलदाराची गाडी फोडण्यात आली आहे. तर, दुसरीकडे बीडच्या आष्टीत तहसीलदाराची गाडी अज्ञात लोकांनी पेटवून दिली आहे.
