Manoj Jarange Patil : बीड : मराठा समाजाचे नेते मनोज जरांगे पाटील आरक्षणाच्या मागणीसाठी जालन्यातील अंतरवाली सराटी येथे उपोषणाला बसले आहेत. गेल्या दोन दिवसांपासून राज्यात जाळपोळींचे सत्र सुरू आहे. त्यावर भाष्य करताना उपमुख्यमंत्री देवेंद्र फडणवीस यांनी खूनाचे गुन्हे दाखल करून कारवाई करण्याचे आदेश दिले. त्यावर प्रतिक्रीया देताना मनोज जरांगे पाटील यांनी त्यांच्यावर सडकून टिका केली. यांनी मंगळवारी सायंकाळी प्रसारमाध्यमांशी संवाद साधताना जरांगे पाटील यांनी बीडमध्ये तसेच राज्य सरकारच्या आदेशावरुन जालना जिल्ह्यातील इंटरनेट सेवा बंद केली जात असल्याचे मेजेस टेलिफोन ऑप्रेटर्सकडून ग्राहकांना येत असल्याच्या मुद्द्यावरुन जरांगेंनी ही टीका केली.
जरांगेंचा उपमुख्यमंत्री देवेंद्र फडणवीस यांना टोला
एका उपमुख्यमंत्र्याला काड्या करायची लय सवय : गेल्या २ दिवसांपासून जालना जिल्ह्यातील इंटरनेट सेवा बंद करण्यात आली आहे. त्याबाबत मनोज जरांगे पाटलांना विचारलं असता, ‘सरकारला दुसरं काय कामच आहे? हे असे बांगड्या भरल्यागत चाळे करायचे. यांच्या हातात बांगड्या पाहिजे होत्या. हे मर्दासारखं चालवतच नाहीत. आतून काड्या करतात. आमच्या अंगावर यायचा प्रयत्न केला, तुम्ही आमच्याकडे दांडकं घेऊन येत असाल तर आम्हाला आमच्या मर्यादा सोडाव्या लागतील. याला जबादार दोन्ही उपमुख्यमंत्री आणि मुख्यमंत्री असणार आहेत. त्यातला एक उपमुख्यमंत्री तर जास्त जबाबदार राहणार आहे. कारण त्याला असल्या काड्या करायची लय सवय आहे’, अशा शब्दांमध्ये फडणवीसांवर टीका केली आहे.
तुमचेच लोक घुसवून जाळपोळ : उपमुख्यमंत्री देवेंद्र फडणवीस यांच्या विषयी बोलताना “त्यांना आयुष्यात दुसरं काय करता आलं? एवढंच आलं. यांनी उभ्या आयुष्यात एवढंच केलं. कोणी टार्गेट केलं आणि कुणी कुणाची घरे जाळली, कशाला बोलता आम्हाला? ती कुणी जाळली, मराठ्यांनी जाळली की दुसरं कुणी जाळलं? तुमचेच लोकं घुशविता आणि तुम्हीच जाळीता. तुम्ही आम्हाला शिकविता”,असं म्हणत मनोज जरांगे पाटलांनी फडणवीस यांच्या कारवाईच्या इशाऱ्यावर तिखट प्रतिक्रीया दिली. ‘भाजपा तुमच्यामुळेच संपायला लागली आहे, मग कशामुळे संपायला लागली आहे?याचा विचार करावा. निधी आमचा आहे. कर आमच्या जनतेचा आहे. फुकटचे पैसे खायचे. बासुंद्या प्यायच्या, गुलाबजामून खायचे. उगाच बोलायचं की कलम 307 लागू करायचं. तुम्ही राज्यात अशांतता पसरवायचं ठरवलं आहे तर करा तुम्हाला काय करायचं ते. आमच्या मराठ्यांचा नाईलाज आहे. संध्याकाळपर्यंत वाट पाहू, नाहीतर पाणी सोडणार. तुम्ही किती ताकवान आहात, किती गुन्हे दाखल करतात ते आम्हाला बघायचं आहे’,असं मनोज जरांगे यांनी फडणवीस यांचा थेट उल्लेख न करता म्हटलं आहे.
