Jalna Crime : जालना : जालना शहरात तीन भामट्यांनी एका व्यापाऱ्याची सहा लाख रूपये ठेवलेली पैशांची बॅग लंपास केली. भोकरदन नाका-जालना कृषी उत्पन्न बाजार समिती मार्गावर शुक्रवारी भरदिवसा ही घटना घडली. दुचाकीवर आलेल्या तीन भामट्यांनी व्यापाऱ्याचे सहा लाख पळवले. दरम्यान या तीन भामटे सीसीटीव्हीत कैद झाले असून त्यांच्या शोधासाठी पोलिसांनी चार पथके स्थापन केली आहेत.
व्यापारी अभय छाजेड यांचे बालाजी एजन्सी नावाने किराणा दुकाना आहे. त्यांचा मुलगा जय छाजेड हे सकाळी साडेदहा वाजता पवन रामा सावरे यांच्यासोबत स्कुटीवरून किराणा दुकानावर निघाले होते. त्यांच्याकडे सहा लाखांची रोकड होती. त्याशिवाय. तीन डायऱ्या, एक चेकबुक होते.
ही पिशवी पवन सावरे याने त्याच्या पायाजवळ पुढे ठेकली होती. श्रीराम टाइल्स ॲण्ड स्टोन्स या दुकानाजवळआल्यानंतर त्याच्या पाठीमागून ट्रीपलसीट तीन भामटे आले. पैशांची पिशवी हिसकावून घेतली आणि तिघांनी पळ काढला.
या तीन भामट्यांच्या शोधासाठी पोलिस प्रशासनाने चार पथके स्थापन केली आहेत. यात स्थानिक गुन्हे शाखेसह चंदनझिरा पोलिसांच्या पथकाचा समावेश आहे. पोलिसांनी चोरांनी पळ काढलेल्या मार्गावरील सीसीटीव्ही फुटेजी तपासणी सुरू केली असून तीन भामटे दुचाकीवरून पळ काढताना पोलिसांनी दिसून आले आहेत. त्या दिशेने पोलिसांनी तपास सुरू केले आहे.
