Chhatrapati Sambhaji Nagar: छत्रपती संभाजीनगर : शहरात अचानक प्रचंड वाहतूक कोंडी झाली आहे. जालना रोडच्या दक्षिणेकडील भागात सर्वच रस्त्यांवर मोठ्या प्रमाणात गाड्या ट्राफिकमध्ये अडकल्या आहेत. शहरातील मुख्य मार्ग असलेला जालना रोड पूर्णपणे ‘ब्लॉक’ झाला आहे. आज रेल्वे स्टेशन परिसरात बागेश्वर धाम बाबा ऊर्फ पंडित धीरेंद्र कृष्ण शास्त्री महाराज यांच्या कार्यक्रमाचे आयोजन करण्यात आले आहे. त्यामुळे शहरातील काही मार्ग बंद ठेवण्यात आले आहे. मात्र, याचा मोठा फटका शहरवासियांना बसत आहे.
बागेश्वर धाम बाबा यांच्या श्री राम, श्री हनुमान कथेला आजपासून रेल्वेस्टेशन येथील अयोध्यानगरी मैदानावर सुरुवात होत आहे. रविवारी रात्री आठ वाजता महाराजांचे छत्रपती संभाजीनगर विमानतळावर आगमन झाले. दरम्यान, आजपासून पुढील तीन दिवस बाबांचा दरबार भरणार आहे. त्यामुळे पोलिसांनी शहरातील काही मार्ग बंद ठेवण्याचे आदेश काढले आहे. मात्र, यामुळे शहरातील एक भाग पूर्णपणे ‘ब्लॉक’ चित्र आहे. बीड बायपासकडून शहरात प्रवेश करणाऱ्या लोकांचे प्रचंड हाल होत असून, रस्त्यांवर प्रचंड वाहतूक कोंडी पाहायला मिळत आहे. (Chhatrapati Sambhaji Nagar)
