Crime News: छत्रपती संभाजीनगर : शहरातून एक गंभीर आणि धक्कादायक प्रकरण समोर आले आहे. एका तरुणीला लग्नाचे आश्वासन देऊन तिचे धर्मांतर (Conversion Case) करण्यात आल्याचा आरोप आहे. त्यानंतर लग्न झाल्यानंतर तिच्यावर अमानुष अत्याचार झाल्याची तक्रार तिने पोलिसांकडे दिली आहे. पीडित तरुणीने परभणी येथील नानलपेठ पोलीस ठाणे येथे फिर्याद नोंदवली आहे. ( Chhatrapati Sambhajinagar Crime)
इतर पुरुषांसोबत संबंध…
तक्रारीनुसार, आरोपीने आधी मैत्री करून विश्वास संपादन केला. त्यानंतर जबरदस्तीने संबंध ठेवून धर्मांतर केले आणि मुस्लिम पद्धतीने विवाह केल्याचे सांगितले जाते. लग्नानंतर काही महिन्यांतच त्याचा त्रास सुरू झाला. पीडितेच्या म्हणण्यानुसार, पतीने तिला इतर पुरुषांसोबत संबंध ठेवण्यास भाग पाडले. विरोध केल्यास मारहाण आणि धमक्या दिल्या जात होत्या.
सासरच्या मंडळाकडून छळ
2024 मध्ये आईच्या निधनानंतर आरोपीने पुन्हा तिच्याशी संपर्क साधला आणि परभणी येथे नेले. तेथेही छळ सुरूच राहिला. तिने सासरच्या लोकांवर मारहाण आणि छेडछाडीचे आरोप केले आहेत. 7 जानेवारी 2026 आणि ऑक्टोबर 2025 मध्ये तिच्यावर सामूहिक अत्याचार झाल्याचा आरोप आहे. पोलिसांनी गुन्हा दाखल करून पुढील तपास सुरू केला आहे.
