Chhatrapati Sambhajinagar : छत्रपती संभाजीनगरच्या वाळूजमधील रांजणगाव फाटा परिसरात शुक्रवारी बिअर वाहतूक करणारा ट्रक उलटला. ट्रक आडवा रस्त्यावर पडल्यामुळे त्यातील बिअरच्या बाटल्यांचे खोके रस्त्यावर सर्वत्र विखुरले. अपघातानंतर जखमी चालकाला मदत करण्याऐवजी परिसरातील नागरिकांनी मात्र बिअरच्या बाटल्या गोळा करण्यासाठी मोठी धावपळ केली.
शेकडो लोकांनी ट्रकमधून पडलेले बिअरचे बॉक्स आणि बाटल्या पळवल्या. काहीजण तर पिशव्या आणि गोण्या घेऊनच बिअर भरताना दिसले. घटनेची माहिती मिळताच वाळूज एमआयडीसी पोलिसांनी तातडीने घटनास्थळी धाव घेऊन परिस्थिती नियंत्रणात आणायला सुरुवात केली. अपघात इतका जोराचा होता की ट्रक पलटी होताच रस्त्यावर बिअरचं डबरडबरा पसरलं.
अनेक बाटल्या फुटल्या, रस्त्यावर काचेचे तुकडे आणि बिअरचा वास पसरलेला दिसत होता. अपघात नेमका कसा झाला याची तपासणी पोलिसांकडून सुरू आहे. Chhatrapati Sambhajinagar
